काठमाडौं । कुमारी बैंक लिमिटेडले संस्थापक समूहको १ लाख कित्ता सेयर बिक्रीमा राखेको छ । बैंकले सूचना जारी गरेर संस्थापक सेयरधनीको नाममा रहेको १ लाख कित्ता संस्थापक सेयर बिक्री गर्न लागेको हो ।
उक्त सेयर हाल कायम बैंकका संस्थापक सेयरधनीहरुले मात्रै किन्न पाउने गरि बिक्रीमा राखिएको बैंकले जनाएको छ । उक्त सेयर खरिद गर्न चाहने इच्छुक विद्यमान संस्थापक सेयरधनीहरूले ३५ दिनभित्र आवेदन दिनुपर्नेछ ।
सेयर खरिद गर्न चाहने बैंकका विद्यमान संस्थापक सेयरधनीले काठमाडौंको नक्सालस्थित कुमारी क्यापिटल लिमिटेड वा टंगालस्थित बैंकको प्रधान कार्यालयमा आवेदन दिनु पर्नेछ । सेयरको बिक्री मूल्य बिक्रेताले तोके बमोजिम हुने बैंकले जनाएको छ ।
