-
सन्दीपको निलम्बन फुकुवा
-
शेयर बजार नौ अंकले घट्यो, कारोबार रकममा पनि गिरावट
-
गौतम बुद्ध क्रिकेट रंगशालाको टेन्डर रद्द
-
मुगुको पाटनमा यार्सा टिप्न पुगेकाको दुर्घटना बीमा
-
दीपेन्द्रसिंह ऐरी टी-२० अलराउन्डर वरीयताको शीर्ष १० मा
-
प्रधानमन्त्रीलाई मिडिया एलायन्सको ज्ञापनपत्र, मिडिया बचाउने गरी सुविधा दिन सरकारसँग माग
-
सन्दीप लामिछानेले पाए सफाइ
-
दैलेखमा ‘सेवाग्राहीसँग प्रजिअ’ कार्यक्रम
हलेसीमा चिस्यान केन्द्रसहितको कृषि मार्ट सञ्चालनमा
sayapatrikhaber.com
काठमाडौं । खोटाङको हलेसी तुवाचुङ नगरपालिकाले वडा नं ७ महादेवस्थानमा चिस्यान केन्द्र सहितको कृषि मार्ट सञ्चालनमा आएको छ । जिल्लाको त्रिधार्मिकस्थल हलेसी बजारमा कृषि मार्ट (बजार) सञ्चालनमा ल्याइएको हो ।
कृषकले उत्पादन गरेका कृषिउपज बजारीकरणका लागि नगरपालिकाले आइतबारदेखि औपचारिकरुपमा चिस्यान केन्द्रसहितको कृषि मार्ट सञ्चालनमा आएको हो । सहज नेपाल नामक संस्थाको प्राविधिक सहयोगमा निर्माण गरिएको भवन निजी संस्थालाई भाडामा दिएर कृषि मार्ट सञ्चालन गरिएको छ ।
गत आर्थिक वर्षमा विनियोजित १८ लाख ४४ हजार रुपैयाँ र चालु आव २०८०/८१ मा विनियोजन गरिएको १९ लाख ९४ हजार ८३१ रुपैयाँ लगानीमा कृषि मार्ट र चिस्यान केन्द्र निर्माण गरिएको नगरपालिकाका प्रवक्ता एवं वडा नं ७ का वडाध्यक्ष कमल गिरीले जानकारी दिए । यससँगै नगरपालिका भित्रका कृषकले उत्पादन गरेका कृषिउपज कृषि मार्टमा लगेर बिक्री गर्नेछन् ।
केही दिनअघि नगरपालिकाले नगरपालिकाभित्रका कृषक र होटल व्यवसायीसँग छलफल गरेर तरकारीको मूल्यसमेत निर्धारण गरेको थियो । सोही मूल्यअनुसार कृषकले उत्पादन गरेको कृषिउपज मार्टमा बिक्री हुने बताइएको छ । कृषकले उत्पादन गरेर ल्याएका कृषिउपज संकलन गरेर बिक्री गर्नसमेत सुरु गरिएको छ । कृषकले आलु, साग, धनियाँ, कोभी, मुलालगायत तरकारी बिक्री गर्न कृषि मार्टमा ल्याएका थिए ।
